Mafunzo ya kujengea uwezo Wataalam katika masuala ya Madini Muhimu Jijini Nairobi, Kenya

Posted on: September 1st, 2023

Teiti yahudhuria Mafunzo ya kujengea uwezo Wataalam katika masuala ya Madini Muhimu (Critical Minerals) , Jijini Nairobi, Kenya.

Mafunzo haya yameendeshwa na Serikali ya Marekani kupitia U.S. Department of  State Bureau of Energy Resources kuanzia tarehe 28-31August, 2023 kupitia mwaliko kutoka Wizara ya Madini.

Mafunzo yalijikita zaidi katika Jiolojia , njia za utafiti  na mifano halisi ya madini muhimu na nchi zinazoongoza kwa uzalishaji  wa madini muhimu na umuhimu wake kwa dunia . Aidha,Wataalamu walijengewa uwezo juu ya mifumo ya Sheria na Sera zinazosimamia madini muhimu  kwa kutumia  mifano ya nchi zilizofanikiwa kuanzisha mipango na mifumo ya sheria  katika usimamizi wa madini muhimu. Vilevile, wataalam walijengewa uwezo wa njia za  ukusanyaji  na uchakataji  na utunzaji wa  taarifa za  madini muhimu kwa ajili ya kuvutia uwekezaji na kusaidia Serikali katika kufanya maamuzi.

Mjiolojia na mshauri wa masuala ya kitalaam wa TEITI, Bw. Ezekiel Seni ameeleza kuwa, mafunzo haya yamekuja kwa muda muafaka kwani tutatumia ujuzi huu kusaidia Serikali katika kuandaa mifumo ya Kisera na Sheria na kuwa na kanzi data  na kuhamasisha uwazi katika hatua zote za uvunaji wa madini  muhimu  na  mkakati (Critical and Strategic  Minerals).  Wataalam waliohudhuria ni  kutoka nchi ya Tanzania , Marekani, Kenya na Ghana.