TEITI Yaanza Kushiriki Katika Maonesho ya Nne ya Teknolojia na Uwezeshaji Katika Sekta ya Madini Mjini Geita

Posted on: September 16th, 2021

TEITI YAANZA KUSHIRIKI KATIKA MAONESHO YA NNE YA TEKNOLOJIA NA UWEZESHAJI KATIKA SEKTA YA MADINI GEITA.

Leo Septemba 16, 2021, TEITI imeanza kushiriki katika maonesho ya nne ya Teknolojia na Uwezeshaji  katika Sekta ya Madini  yanayofanyika  mkoani Geita kuanzia tarehe 16-26 Septemba 2021.

TEITI ikiwa kama mshiriki na mdau katika maonesho haya itahamasisha uwazi na uwajibikaji katika kuelimisha umma kuhusu majukumu yake na matumizi ya takwimu zinapatikana katika ripoti za TEITI. Maonesho hayo yanaongozwa na kauli mbiu ya *"Sekta ya Madini kwa Ukuaji wa Uchumi na Maendeleo ya Watu".

*

Aidha, Maonesho haya yanayoendelea katika viwanja vya Bombambili Mjini Geita yanahusisha washiriki wapatao 500 wakiwemo wafanyabiashara wa Madini, Makampuni ya Uchimbaji wa Madini, Wachimbaji wadogo kwa wakubwa, Wakala wa Serikali, Wizara, Taasisi, Mashirika ya kifedha, Sekta Binafsi pamoja na Wadau mbalimbali.