Waziri wa Madini Doto Biteko aungana na wataalam wa jiolojia nchini

Posted on: September 27th, 2019

WAZIRI WA MADINI DOTO BITEKO AUNGANA NA WATAALAM WA JIOLOJIA NCHINI

Waziri wa Madini Doto Biteko leo tarehe 27/09/2019 anashiriki kongamano la wataalam wa Jiolojia (Tanzania Geological Society- TGS)  linalofanyika kwenye ukumbi wa Maktaba kuu na ya kisasa ya Chuo Kikuu Cha Dar es Salaam.

Waziri wa Madini anashiriki kama mgeni rasmi ambae anashiriki mijadala mbalimbali na baadae atafunga kongamano hilo lililoanza juzi tarehe 25/09/2019.

Biteko anashiriki kongamano hilo akitokea Mtwara na Tunduru aliko kuwa akishiriki Mkutano wa wawekezaji (Mtwara) na ziara ya kawaida ya Kikazi (Tunduru).

Akiwa Tunduru pamoja na mambo mengine Biteko amewasisitiza viongozi kuwapa uhuru wachimbaji wafanye kazi zao kwa uhuru huku wachimbaji nao wakizingatia sheria.

Taarifa kamili itawajia mara baada ya kongamano kufungwa rasmi.